Bungisngis

Magkalayo man tayo

Sa puso't isipa'y

Walang distansyang malayo

Dahil sa bawat skype call

Pakiramdam ko'y magkatabi tayo

Lahat ng lumbay napapawi

Lahat ng luha'y nawawaglit

Pagkat napupuno ng ngiti

Ang pusong nananabik

Ligaya'y siksik liglig

Mamasdan lamang ang imaheng kay ganda

Madinig ang matinis mong halakhak

Parang naipinta ng buong galak

Sa isipang bigkis ng ala-ala

Ang kaligayahang walang pantay

Mahal kong kapatid

Bungisngis mo'y mala-musika

Sa kaibutura'y di mamamaliw

Sa tuwi-tuwina'y hahanapin

Buong pusong kagigiliwan

Malayo man sa isa't isa

Ang bawat ngiting nasilay

Kalakasan ng loob'y bigay

Pinatatamis ang mga sandaling

Tanging hangad'y magkapiling

Mahal na mahal kita

Aming Tisay

Buong buhay'y alay

Sa araw-araw

Ala-ala ko'y ikaw

isinulat ni:

Belle C.A. Hanzberj

12 February 2013 

12:13 AM