Hinga

Ngayon ay ramdam ko ulit ang sakit

Sakit na nais ko nang sukilin

Sa kaibuturan ay nais manlaban

Subalit ramdam na ang panghihina

Ang sakit nang aking ulo 

Doon nagsimula marahil

Pakiramdam ko'y bagsak

Katawan'y nanlulupaypay

Di maramdaman ano nga ba ito?

Nanlalamig, naiinitan

Mga paa't kamay namanhid

Andyan mamaluktot, dumiretso

Di ko na malaman gagawin

Binabalot ng panghihina

Buo kong katauhan

Sa aking rosaryo kumapit

Sa pagsapit ng dilim

Nalampasan ang pagususkang

Mula paggising'y hinalang

Buong aking lakas

Di mawawaan pakiramdam

Sobrang sakit ng likod

Parang kinakayod kalooban

Dibdib'y kaybigat, nasasaktan

Sa aking mga mata'y lantay

Kalungkutan, kahinaan

Mamasdan lamang kapatid ko

Sa kabilang ibayo't nakangiti

Nagpapamalas ng lakas

Sa kalooban kong gustong

Bumitaw at mamahinga

Pilit hinahabol hininga

di ko na alintana, hika o hindi

Sa puso ko'y nananahan lamang

Pag-aalalang abot sa Pinas

Andito man ako sa banyagang lupa

Abot panalangin puso kong dumadatal

Nawa'y haplusin aking katawang lupa

Nang mapagmahal na Kamay ni Hesus

Pagalingin, Pahupain sakit dulot'y luha

Sa kalooban ko'y naghuhumiyaw

Katawa'y pinakatatatagang lubos

Manahan sana kalinga ni Ina

Alumpihit mga luhang nais umalpas

Sa bawat buntong hininga

Hiling ko't dasal ay mapayapang

Pamamaalam sa king mga mahal

Lalo sa aking pinakamamahal na Tisay

Sa huling hagod sa buhay

Mamasdan't madinig lamang

Malungkot mang di na maramdaman

Sa puso ko'y mananahan

Salamat! Salamat! Salamat!

Magkalayo man ngayon

Isang araw'y magkakasama rin

Aking pagkahihintayin muli

isinulat ni:

Belle C.A. Hanzberj

2nd March 2013

12:42AM